𝗗𝗢𝗛 𝗢𝗜𝗖 𝗩𝗘𝗥𝗚𝗘𝗜𝗥𝗘, 𝗣𝗜𝗡𝗨𝗥𝗜 𝗔𝗡𝗚 𝗠𝗚𝗔 𝗣𝗥𝗢𝗚𝗥𝗔𝗠𝗔𝗡𝗚 𝗣𝗔𝗡𝗚𝗞𝗔𝗟𝗨𝗦𝗨𝗚𝗔𝗡 𝗡𝗚 𝗖𝗜𝗧𝗬 𝗚𝗢𝗩’𝗧

Ni Clea Faye G. Cahayag

𝘗𝘐𝘕𝘜𝘙𝘐 𝘯𝘪 𝘋𝘦𝘱𝘢𝘳𝘵𝘮𝘦𝘯𝘵 𝘰𝘧 𝘏𝘦𝘢𝘭𝘵𝘩 (𝘋𝘖𝘏) 𝘖𝘧𝘧𝘪𝘤𝘦𝘳-𝘪𝘯-𝘊𝘩𝘢𝘳𝘨𝘦 𝘋𝘳. 𝘔𝘢𝘳𝘪𝘢 𝘙𝘰𝘴𝘢𝘳𝘪𝘰 𝘚𝘪𝘯𝘨𝘩-𝘝𝘦𝘳𝘨𝘦𝘪𝘳𝘦 𝘢𝘯𝘨 𝘭𝘰𝘬𝘢𝘭 𝘯𝘢 𝘱𝘢𝘮𝘢𝘩𝘢𝘭𝘢𝘢𝘯 𝘯𝘨 𝘗𝘶𝘦𝘳𝘵𝘰 𝘗𝘳𝘪𝘯𝘤𝘦𝘴𝘢 𝘴𝘢 𝘮𝘨𝘢 𝘨𝘪𝘯𝘢𝘨𝘢𝘸𝘢𝘯𝘨 𝘱𝘢𝘨𝘴𝘪𝘴𝘪𝘬𝘢𝘱 𝘴𝘢 𝘱𝘢𝘨𝘩𝘢𝘩𝘢𝘵𝘪𝘥 𝘯𝘨 𝘮𝘨𝘢 𝘱𝘳𝘰𝘨𝘳𝘢𝘮𝘢𝘯𝘨 𝘱𝘢𝘯𝘨𝘬𝘢𝘭𝘶𝘴𝘶𝘨𝘢𝘯 𝘴𝘢 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯

Ang lungsod ay nagtaguyod ng mga satellite clinics na mayroong birthing facility at iba pang laboratory equipment para maserbisyuhan ang mga nasa rural barangays.

Nagpapatuloy naman ang konstruksyon ng City Medical Complex sa Balayong People’s Park, isa sa pinakamalaking infrastructure project ng city gov’t. Mas ‘enhanced’ ito kung ikukumpara sa mga satellite clinics, magbibigay serbisyo ito sa publiko tulad ng consultation, laboratory, pagbibigay ng mga bakuna at iba pa.

“We would like to recognize the efforts of Puerto Princesa City in providing its citizens with quality healthcare delivery within the region, especially in the last two years of the pandemic. Indeed, various opportunities for growth are evident. That is why, through collaborative efforts, we shall work together to fully realize UHC for every Palawenyo,” ang naging pahayag ni Vergeire batay sa inilabas na impormasyon ng DOH.

Si Vergeire ay dumating sa Puerto Princesa noong ika-11 ng Mayo kung saan ilan sa naging topiko nila ni Punong Lungsod Lucilo Bayron ang pagkakaroon ng ligtas na tubig at kapaligiran gayundin ang pag-upgrade ng Ospital ng Palawan sa level lll na makatutulong sa pagtugon sa mga usaping pangkalusugan.