Photo Courtesy | PIO Palawan
PUERTO PRINCESA CITY — Tiyak na uuwing nakangiti ang mananalo sa Saraotan sa Dalan o Street Dancing competition dahil isang milyong piso ang papremyo para sa magiging kampeon nito.
Hindi lang iyan, tumataginting na ₱750,000.00 ang maaaring maiuuwi ng tatanghaling 2nd place, kalahating milyon naman para sa 3rd place at dalawandaang libong piso (₱200,00) para sa hindi papalarin bukas, araw ng Linggo, Hunyo 23, taong kasalukuyan.
May kaakibat naman na ₱10,000.00 cash prizes para sa makakasungkit ng Most Disciplined, Best in Musicality, Best in Costume, Best in Concept, at Best in Production Design.
Sa ulat ng pang-impormasyon ng kapitolyo ngayong araw, anim (6) na bayan sa Palawan ang maglaban-laban bukas: ito ang mga bayan na kinabibilangan ng Cuyo, El Nido, Magsaysay, Narra, San Vicente, at Sofronio Española.
Samantala, mapapanood ang mga kalahok sa harap ng Mendoza Park, Rizal Avenue, habang matutunghayan naman ang kanilang final performances sa PGP Convention Center, Capitol grounds, Bgy. Tanglaw, Lungsod ng Puerto Princesa.
Halina’t panoorin ang mga mananayaw bukas at isigaw ang iyong napupusuan.
About the Author
