Ni Vivian R. Bautista
INAPRUBAHAN ng Lokal na Pamahalaan ng Linapacan ang 4.5 milyong pisong halaga ng karagdagang gusali para sa Palawan State University (PSU) sa nabanggit na bayan.
Ayon sa ulat ni Mayor Emil Neri, inaprubahan ng Sangguniang Bayan sa pangunguna ni Bise Alkalde Ricky Rodriguez at mga kasamahang SB Members ang naturang badyet para sa additional infrastructure kung saan ay malaking tulong ang proyekto sa mga estudyante ng unibersidad.
Aniya, nabalitaan din ng LGU Linapacan na magbibigay ng karagdagang school building ang tanggapan ni Palawan First District Edgardo Salvame na nagkakahalaga naman ng sampung (10) milyong piso.
Dagdag pa ng alkalde, liban sa nabanggit na proyekto kada taon ay nagbibigay-subsidiya ang kanilang lokal na pamahalaan na nagkakahalaga ng 1.5 milyong piso para sa ikakaunlad ng Palawan State University sa nabanggit na bayan.