Ni Marie Fulgarinas
Isinapubliko na ng Palawan State University School of Law – Student Government ang opisyal na listahan ng mga kwalipikadong aplikante para sa Juris Doctor Program ng Academic Year 2024-2025.
Walumpu’t dalawang (82) indibidwal ang matagumpay na napabilang sa listahan ng qualified first year applicants ng kursong abogasya o Bachelor of Law.
Infographics: PSU School of Law – Student Government
Ipinababatid din ng student government body na mangyaring sundin ang mga mahahalagang paalala kaugnay sa enrollment processes sa darating na Hulyo 31 hanggang ika-2 ng buwan ng Agosto, taong kasalukuyan.
Samantala, para sa mga aplikanteng nais ipagliban ang kanilang admission, mangyaring mag-submit ng official letter kay Atty. Perry L. Pe, College Dean, PSU School of Law.