KONTRAKTOR NG KALSADA NA NAKASIRA NG STREETLIGHTS, NAIS PANAGUTIN

Ni Clea Faye G. Cahayag

𝘏𝘜𝘔𝘐𝘏𝘐𝘓𝘐𝘕𝘎 𝘢𝘯𝘨 𝘚𝘢𝘯𝘨𝘨𝘶𝘯𝘪𝘢𝘯𝘨 𝘗𝘢𝘯𝘭𝘶𝘯𝘨𝘴𝘰𝘥 𝘴𝘢 𝘋𝘦𝘱𝘢𝘳𝘵𝘮𝘦𝘯𝘵 𝘰𝘧 𝘗𝘶𝘣𝘭𝘪𝘤 𝘞𝘰𝘳𝘬𝘴 𝘢𝘯𝘥 𝘏𝘪𝘨𝘩𝘸𝘢𝘺𝘴 (𝘋𝘗𝘞𝘏) 𝘯𝘢 𝘱𝘢𝘯𝘢𝘨𝘶𝘵𝘪𝘯 𝘢𝘯𝘨 𝘬𝘰𝘯𝘵𝘳𝘢𝘬𝘵𝘰𝘳 𝘯𝘨 𝘬𝘢𝘭𝘴𝘢𝘥𝘢 𝘯𝘨 𝘞𝘦𝘴𝘤𝘰𝘮 𝘙𝘰𝘢𝘥 𝘮𝘢𝘵𝘢𝘱𝘰𝘴 𝘯𝘪𝘵𝘰𝘯𝘨 𝘮𝘢𝘴𝘪𝘳𝘢 𝘢𝘯𝘨 𝘮𝘨𝘢 𝘬𝘢𝘣𝘭𝘦 𝘯𝘨 𝘴𝘵𝘳𝘦𝘦𝘵𝘭𝘪𝘨𝘩𝘵𝘴 𝘴𝘢 𝘭𝘶𝘨𝘢𝘳.

Sa privilege speech ni City Councilor Jonjie Rodriguez, mayroong mga residente ng Barangay San Miguel na nagpaabot ng reklamo sa kan’yang kasamahang konsehal Patrick Hagedorn hinggil sa madilim ng daan sa Wescom Road sa kabila na mayroon nang naikabit na mga streetlights ang lokal na pamahalaan sa lugar.

“Tinawagan ko po ‘yung ating in charge sa City streetlight si Engr. Rolly So, at atin pong napag -alaman na ang dahilan kung bakit napakadilim po nu’ng Wescom Road sa kabila na [mayroon] na po tayong inilagay na mga streetlights po [roon] ay dahil daw po nasira ng kasalukuyang kontraktor ng kalsada ‘yung ating linya ng mga kuryente,” ani Rodgriguez.

Sa kan’yang pakikipag-ugnayan kay So, ilang beses na umanong nagpadala ng liham sa DPWH upang panagutin ang sangkot na kontraktor ngunit magpahanggang ngayon wala umano silang nakukuhang sagot.

“Ilang buwan na po ang nakaraan sila po ay nagpadala na ng sulat sa DPWH na kung saan hinihiling nila na i-compel nila po ang kontraktor na ayusin po yung mga nasirang kuryente doon ng streetlights pero tila wala pong naging tugon sa kanilang naging liham,” dagdag pa ng Konsehal.

Dahil dito, isang resolusyon ang ipinasa ng Sangguniang Panlungsod na humihiling sa DPWH na bigyang solusyon ng kontraktor ang nasirang proyekto ng siyudad bilang suporta na rin sa ipinapadalang liham ng City Engineering Office sa nabanggit na opisina lalo pa’t matagal na itong nagdudulot ng abala sa mga residente.

Tinuran din ni Kgd. Hagedorn na makikipag-ugnayan ito kay 3rd District Congressman Edward Hagedorn para humingi ng tulong at maaksyunan ang nabanggit na problema.

Aniya, ang kalsada sa Wescom Road ay dapat natapos na noong ika-11 ng Enero ngunit hanggang ngayon ito ay hindi pa nakukumpleto.

“Project was about to be done last January 11, ngayon po ay May, [it’s already] five months and from what I’ve seen everyday I pass there I think there not even around 70% of the project dahil [mayroon] pa po ‘yang drainage na kasama, so, I do not know bakit tumatagal ng gan’yan kahaba ang project,” ayon kay Hagedorn.

Pagbabahagi naman ni City Councilor Luis Marcaida lll dalawang beses na nagkaroon ng committee meeting hinggil sa kalsada sa Wescom road kung saan tinuran ng kontraktor na hindi pa ito natatapos ang dahil sa mga pag-ulan.