Photo courtesy: Provincial Information Office (PIO) Palawan
Muling magkakatipun-tipon ang mga Palawenyo mula sa 23 munisipalidad ng lalawigan para sa pagdiriwang ng kultura, sining, at pagkakaisa sa Baragatan sa Palawan Festival.
Sa kabila ng pag-ulan, opisyal nang binuksan sa publiko ang festival nitong ika-6 ng Hunyo, taong kasalukuyan, kasabay ng ika-123 anibersaryo ng pagkakatatag ng Gobyerno Sibil ng Palawan, ayon sa tanggapan ng impormasyon ng kapitolyo.
Sa pagsisimula, nagkaroon ng Misa ng Pasasalamat at Pagkakaisa sa Kapitolyo, na dinaluhan ng mga opisyal ng Pamahalaang Panlalawigan, kawani, at mga bisita. Sinundan ito ng pagbabasbas ng “Barakalan sa Baragatan,” kung saan tampok ang LGU Trade Fair, Private Trade Fair, Palawan Souvenir Trade Fair, Halamanan sa Baragatan, at mga food stalls sa Meriendahan sa Baragatan at Caraenan sa Dalan.
Nagmula ang “Baragatan” sa Cuyonon word na “bagat” na nangangahulugang pagtitipon. Inilalarawan nito ang diwa ng festival ng Palawan na kung saan sama-samang ipinagdiriwang ang mayamang kultura, sining at tradisyon.
Ilan sa mga tampok sa aktibidad ang ‘Feel It, Reel It’ Baragatan Festival Reels Competition na maaaring first prize na P20,000.00, Lambay: Art Exhibit na kung saan nakiisa ang 70 Palawan artists tampok ang kani-kanilang obra maestra na maaring mabili sa isinagawang Venissage “Collector’s Night” sa Legislative building ng Kapitolyo, ang 9th It’s A Dog’s Wold: All Breed Dog Fashion and Talent Show na may premyong P20,000.00 para tatanghaling grand champion na gaganapin sa Robinsons Activity Center, at marami pang iba.
Author
About the Author
