Magkakaroon ng Barangay Fiesta Promo ang tanggapan ng Puerto Princesa City Water District (PPCWD) sa apat na Barangay sa lungsod ngayong buwan ng Nobyembre 2024.
Ikakasa ang nasabing pa-fiesta promo sa Bgy. Binduyan, Bgy. San Manuel, Bgy. Liwanag, at Bgy. Milagrosa.
Ayon sa ahensiya, ang mga residente ng nasabing barangay ay maaaring makapag-apply ng bagong water service connection at makapag-avail ng diskuwento sa Administrative Fee na nagkakahalaga ng ₱1,430.00.
Kinakailangan lamang mag-submit ng mga kinakailangang dokumento sa tanggapan ng PPCWD main office, Brgy. Sta. Monica lungsod ng Puerto Princesa, mula araw ng Lunes hanggang araw ng Biyernes, sa ganap na 8:00 ng umaga hanggang 5:00 ng hapon.
Ang nasabing promo ay valid para sa buong buwan ng Nobyembre.
Author
About the Author
