Photo courtesy: PIO Palawan, 2019
Patuloy na isinusulong ng kapitolyo ang pagpapalawak ng akses ng mga Palawenyo para sa dekalidad na serbisyong medikal sa Palawan.
Mahalagang hakbang tungo sa mas maayos na serbisyong pangkalusugan ang pagkakatalaga ng Department of Health (DOH) sa Bataraza District Hospital sa pamumuno ni Chief of Hospital Dr. Bon Karlo C. Ladia, at Coron District Hospital sa pamumuno ni Officer-in-Charge Chief of Hospital Dr. Ryan B. Ruiz.
Ibig sabihin nito, mas kumpleto at epektibong pasilidad ang maaaring gamitin ng mga pasyente. Kabilang dito ang operating room, labor and delivery room, isolation area, at mga diagnostic services tulad ng x-ray at ultrasound, ayon sa Kagawaran.
Sa pamamagitan nito, matutulungang matugunan ang iba’t ibang pangangailangang medikal ng komunidad.
Mula sa mainland Palawan, ang distansya ng Coron ay nasa humigit-kumulang 300 kilometers sa hilaga ng Puerto Princesa, ang kabisera ng lalawigan. Umaabot naman sa 220 hanggang 275 kilometro ang biyahe mula sa Bataraza patungo sa lungsod depende sa ruta.
Magiging maginhawa naman para sa mga pasyenteng nasa malalayong lugar ang pagtatas ng antas ng mga district hospital sa lalawigan upang hindi na bumiyahe pa patungong lungsod para sa pangunahing serbisyong medikal.
Kasabay ng pagkilala sa mataas na antas ng ospital, buong pusong pinasasalamatan ng Provincial Health Office (PHO)-Palawan ang pamunuan ng Coron District Hospital sa kanilang patuloy na dedikasyon sa pagbibigay ng mas mahusay na pangangalagang pangkalusugan.
via Samuel Macmac
