DOH, SINIMULAN ANG PAMAMAHAGI NG BIVALENT COVID-19 VACCINE

Ni Vivian R. Bautista

SINIMULAN na ng Department of Health (DOH) na mamigay ng 390,000 doses ng bivalent Covid-19 vaccines sa iba’t ibang bahagi ng bansa, ito ang tinuran ni Health Secretary Ted Herbosa, nitong Martes ika-13 ng Hunyo, 2023.

“Kaya, dumating ang iyong 390,000 doses ng bivalent Covid-19 vaccines na nagmula sa COVAX. So, it’s a donation, hindi ito prinocure, and as of this moment, as we speak, I think they have already been redistributed to the different region (all offices) of the Department of Health,” ani Herbosa sa isang press briefing sa Malacañang.

“It’s going to be (store), parang may depots. Kasi may cold chain ang vaccine. So kailangan they’re kept at the right temperature,” aniya pa.

“So, what we will have to do is to prioritize who need it first. Kaya, numero uno, ang mga matatanda. Number two, iyong may comorbidity. Number three, iyong health care workers, kasi hindi ba inuna rin natin iyong healthcare workers. So nag-wane na siguro iyong immunity nila. Kailangan din natin silang protektahan,” dagdag niya.

Ilan din umano sa mga isyu sa pagkuha ng higit pang bivalent vaccine para sa COVID-19 ay ang pagpaparehistro ng mga dosis sa Philippine Food and Drug Administration.

“Meron lang snag and issues kasi nawala iyong public health emergency. Kaya, ang isyu ng bakuna ay nasa mga tuntunin ng EUA (emergency use authorization). So, to procure it, kailangan ma-i-rehistro sa ating FDA. But we are trying hard to get all these bivalents (bakuna),” Herbosa said, adding that the Philippines is not the only country trying to get hold of the vaccines.

Ipinunto rin niya na kailangan nilang simulan ang pagbabakuna sa mga priyoridad na indibidwal na may bivalent dose dahil mayroon lamang itong shelf life na anim na buwan pagkatapos mai-deliver.

“Kasi kapag binili ko iyong nandoon na, makikita ninyo ini-isyuhan ninyo ako na nag-expire iyong bivalent vaccines kasi six months lang ang shelf life niyan, wala ng gamit. So kapag binili mo iyan out of the shelf, like this one, this donation, they end on November 23, that’s the expiry date. Kaya, kailangan kong simulan ang pagbabakuna sa mga tao kaagad, “sabi ni Herbosa.

Binago rin ng DOH chief ang panawagan sa publiko na magpabakuna at huwag maging kampante dahil idineklara na ng World Health Organization ang pagwawakas sa Covid-19 bilang public health emergency.

“Naalala ninyo nitong nakaraang linggo, tumaas iyong positivity rate, may nire-report kaming mga namatay. Even my hospital in PGH (Philippine General Hospital), kasi I was head of ER (emergency room), isa o dalawa lang ang na-o-ospital and sila iyong may comorbidity. And sometimes, kung may mamatay na isa o dalawa, it’s because of that comorbidity kasi mas malala ang condition niya,” sabi ni Herbosa.

Samantala, nakikipagnegosasyon pa umano ang DOH upang makakuha ng mas higit pang bakuna kontra COVID-19.