Equal Minimum Wage Act, priority bill ni Senadora Marcos

Isinusulong ni Senator Imee Marcos ang Senate Bill No. 2962 o ang Equal Minimum Wage Act dahil sa pagkakaroon ng hindi patas na wage gaps sa mga rehiyon.

Ayon sa Senadora, maging sila sa Ilocos ay umaaray na rin sa mahal ng presyo ng gasolina ngunit kaniyang napag-alaman na mas mataas pa pala ang presyo nito sa lungsod ng Puerto Princesa.

Aniya, dahil ang lahat naman ay apektado ng mataas na bilihin partikular sa mga petrol products at bigas mainam na i-review ang minimum wage ng bawat rehiyon. “Para sa akin, bakit ₱420 ang minimum wage [rito sa Puerto Princesa City] samantalang hirap naman sa mga matataas na presyo kung minsan mas mataas pa sa Maynila.Sa Maynila ₱660 umaabot ang laki naman ng pagitan.

Siguro dapat i-review natin ulit total mabagal din naman ang Regional Wage Board kung tutuusin dito sa Region IV-B saklaw ang Palawan, alam naman natin na kapag isla iba talaga ang gastusin kaya lahat nagmamahal.

Isa pa matagal ko nang sinasabi maliban sa minimum wage na i-revise natin, tignan natin sa buong Maynila kung mas mahal talaga lahat ng bagay baka pantay-pantay na dapat [ang minimum wage],” ang naging pahayag ng Senadora sa kanyang pagharap sa Palawan media.

About the Author

Clea Faye Cahayag

Author

View All Posts