ISANG INDIBIDWAL, BIKTIMA NG TANGKANG PANGHOHOLDAP SA STA. LUCIA

Ni Ven Marck Botin

𝘉𝘪𝘬𝘵𝘪𝘮𝘢 𝘯𝘨 𝘵𝘢𝘯𝘨𝘬𝘢𝘯𝘨 𝘱𝘢𝘯𝘨𝘩𝘰𝘩𝘰𝘭𝘥𝘢𝘱 𝘢𝘯𝘨 𝘪𝘴𝘢𝘯𝘨 𝘪𝘯𝘥𝘪𝘣𝘪𝘥𝘸𝘢𝘭 𝘯𝘢 𝘬𝘪𝘯𝘪𝘭𝘢𝘭𝘢𝘯𝘨 𝘴𝘪 𝘓𝘦𝘯𝘯𝘢𝘳𝘵 𝘊𝘢𝘴𝘦𝘳𝘪𝘢 𝘣𝘢𝘯𝘥𝘢𝘯𝘨 𝘢𝘭𝘢𝘴-𝘥𝘪𝘺𝘦𝘴 (10 𝘱𝘮.) 𝘯𝘨 𝘨𝘢𝘣𝘪 𝘩𝘢𝘣𝘢𝘯𝘨 𝘣𝘪𝘯𝘢𝘣𝘢𝘺𝘣𝘢𝘺 𝘢𝘯𝘨 𝘬𝘢𝘩𝘢𝘣𝘢𝘢𝘯 𝘯𝘨 𝘉𝘢𝘳𝘢𝘯𝘨𝘢𝘺 𝘚𝘵𝘢. 𝘓𝘶𝘤𝘪𝘢 𝘢𝘵 𝘓𝘶𝘻𝘷𝘪𝘮𝘪𝘯𝘥𝘢 𝘴𝘢 𝘓𝘶𝘯𝘨𝘴𝘰𝘥 𝘯𝘨 𝘗𝘶𝘦𝘳𝘵𝘰 𝘗𝘳𝘪𝘯𝘤𝘦𝘴𝘢.

Sa Facebook post, ibinahagi ni Caseria ang kaniyang karasanan mula sa nasabing insidente bilang magiging gabay o “awareness” ng publiko.

“Muntik na po akong maholdap [diyan] sa kahabaan ng Sta. Lucia hanggang sa Luzviminda nitong mga around 10 pm po. Pauwi ako ng Aborlan galing [Puerto Princesa City]. May nadaanan akong motor (XRM na pula) na nakatumba,” kuwento ni Caseria sa kaniyang Facebook post.

[Nu’ng] lalapitan ko na po, biglang nagpaandar [‘yung] Honda Click na puti at lumapit sakin. Buti [‘di] po ako umalis agad sa motor ko. Itinayo ng dalawang lalaki na naka-bonet [‘yung] XRM tapos naghabulan na po kami dahil magkasabwat sila [nu’ng naka-Honda] Click. Apat po na binatilyo, mga [naka-bonnet],” dagdag ni Caseria.

Aniya, naabutan siya ng mga suspek sa bandang bilihan ng mga “dugos at unan” na kung saan ay binato siya ng isang lalaki na masuwerteng tumama naman sa kaniyang sa suut-suot bag sa likurang bahagi ng kaniyang katawan.

“Tinangka ng nasa Honda Click na sipain ang motor ko pero humarurot na ako ng patakbo. Iba ang takot at kaba na naramdaman ko, sobrang dilim pa ng daanan,” dagdag ni Caseria.

Samantala, panawagan ni Caseria sa mga holdaper na kumayod ang mga ito ng marangal.

“Sa kung [sinuman] ang mga holdaper, kumayod kayo para sa pamilya niyo sa malinis na paraan lumaban kayo ng patas. Nilalagay [n’yo] sa peligro ang buhay [n’yo] at buhay ng ibang tao. Nakaka-trauma, sana [maaksyunan po ‘yan!]