Photo courtesy | Jayson Sespeñe
PUERTO PRINCESA, Philippines — Naihalal na bagong Sangguniang Kabataan (SK) Federation President at magsisilbing Ex-Officio Member ng Sangguniang Bayan ng Brooke’s Point, Palawan, si Bgy. Poblacion District 1 SK Chairperson Jayson Rey Melegrito Sespeñe, ngayong Lunes, Nobyembre 13.
Sa Facebook post, ibinahagi ni Brooke’s Point Councilor Nathan O. Lacanilao ang bagong set ng SK Federation Council na binubuo nina Bgy. Barong-Barong SK Chairperson Jalina Hasan, Federation Vice President; Bgy. Oring-Oring SK Chair Daisy Arzaga, Secretary; Bgy. Saraza SK Chair Renhard Rodriguez, Fed. Treasurer;
Bgy. Salogon SK Chair Hessa Alcosaba bilang PRO; habang Sergeant at Arms naman sina Bgy. Amas at Aribungos SK Chairpersons Steve Alegre at Joseph Eguiron.
Sa panayam ng
Repetek News
kay Bgy. Samariñana SK Kagawad Jhun Michael Java, kinumpirma nitong landslide ang resulta ng botohan kung saan labin-isang (11) boto ang nakuha ni Sespeñe kontra kay Bgy. Ipilan SK Chair Ellen Mae Taguan na nakakuha ng anim (6) na boto.Ani Java, pinangunahan ito ng Kagawaran ng Interyor at Lokal na Pamahalaan o DILG ng bayan ng Brooke’s Point.
About the Author
