Kasalukuyang nagsasagawa ng Local Job Fair sa Robinsons Place Palawan ang pamunuan ng Palawan Provincial Public Employment Service Office (PESO) bilang bahagi ng selebrasyon ng kanilang ika-32nd Founding Anniversary ngayong araw, Miyerkules, Oktubre 23.

Ayon sa ulat, hangarin ng programa na palawakin at mailapit ang mga oportunidad sa mga Palaweñong naghahanap ng maayos at magandang trabaho sa iba’t ibang larangan at industriya.

Inaasahan ng tanggapan na ang nasabing job fair ay lalahukan ng mga lokal na kompanya na mag-aalok ng mga trabaho sa mga mamamayan sa lalawigan.

Ipinababatid din ng ahensya na magdala ng updated resume at iba pang kinakailangang dokumento para sa mga nais at interesadong aplikante sa araw na nabanggit. Kaya’t ihanda ang sarili sa mas maraming career opportunities na ihahain sa job fair ngayong araw.

via Lars Rodriguez