PUERTO PRINCESA CITY — Kinoronahang Mutya ng Brooke’s Point 2024 si Barangay Barong-Barong Representative Kieth Axl Mantilla habang Mutya ng Turismo at Mutya ng Kaniyog’n ‘24 ang mga kinatawan ng Bgy. Aribungos at Bgy. Samariñana na sina Binibining Mayette Miano at Bb. Princess Mica Devocion, kagabi, Huwebes, Marso 21.
Mula sa labinlimang (15) kandidata, nasungkit ni Mantilla ang korona, titulo, at cash prize.
Samantala, itinanghal namang Runners Up ang mga kinatawan ng Bgy. Salogon at LMJ Printing Computer Trading na sina Binibining Rhenalyn Favila at Bb. Kristine Joy Kusin.
Sa Facebook post, ipinakilala ng Brooke’s Point Tourism, Culture, and Arts Office ang bagong set ng mga Mutyas na magiging ambassadress ng bayan sa panlalawigang aktibidad gaya ng Mutya ng Palawan at iba pa.
“Introducing the remarkable winners of Mutya ng Brooke’s Point 2024! 
Their grace, poise, and determination have truly captivated us all.
Congratulations to these extraordinary individuals who have shone brightly throughout this incredible journey. Here’s to embracing their reign with elegance and purpose,” bahagi ng entertainment update ng lokal na pamahalaan.