PUERTO PRINCESA CITY, Philippines — Ipinababatid sa publiko partikular sa mga turista na pansamantalang sarado muna ang Lake Manguao Municipal Conservation Area and Ecotourism Zone na matatagpuan sa bayan ng Taytay, Palawan, upang bigyang-daan ang kasalukuyang filming ng isang reality television show kung saan tampok ang nasabing lugar.
Sarado ito simula nitong nakalipas na Abril 21 hanggang Mayo 4 na kung saa’y hindi muna papayagan ang mga turista at iba pang bisita na magtungo nasabing lugar, ayon sa Municipal Tourism Office.
Binigyang-diin na ang kasalukuyang “access” sa Lake Manguao MCAEZ ay para lamang sa mga residente ng Lake Manguao, filming crew, at casts gayundin ang MTDMO, at mga awtorisadong empleyado ng lokal na pamahalaan ng Taytay.