Photo courtesy | Mayor Gerandy Danao Facebook
PUERTO PRINCESA CITY — MAYROON nang lupang mapagtatayuan ng mga imprastraktura na kinabibilangan ng Coliseum at bagong gusali ng Municipal Disaster Risk Reduction Management Office (MDRRMO) ang lokal na Pamahalaan ng Narra matapos personal na igawad ng Department of Agrarian Reform (DAR) ang dalawang lote sa lokal na pamahalaan, kamakailan.
May sukat na kabuuang 7.6 hectares ang dalawang lote na angkop pagtayuan ng naturang mga gusali.
Ayon sa LGU Narra, naisakatuparan ito sa pamamagitan ng pagpupursige ng kanilang lokal na Pamahalaan kung saan matagal na umano nila itong minimithi na magkaroon ng malawak at maaliwalas na Coliseum na siyang pagdarausan ng mga importanteng aktibidad at isang pasilidad na magagamit ng Disaster Response Unit.
Anila, hinihintay na lamang ang ilalaang pondo na gagamitin para sa pagpapatayo ng nasabing mga proyekto.
About the Author
