Photo courtesy | 2nd Palawan PMFC
Dalawandaan (200) mga residente ang napagkalooban ng libreng konsultasyon at gamot mula sa Rural Health Unit ng Roxas sa pangunguna nina Dr. Dominique G. Parreño at Dr. Julius Buitizon.
Isinagawa sa Barangay San Jose, nabanggit na bayan ang LGU CARAVAN bilang pakikiisa sa ika-28 taong founding anniversary at ika-14 taong Tarabuan festival nitong nakalipas na Marso 4.
Nagsagawa rin ng libreng gupit at libreng tuli ang mga kapulisan ng 2nd Palawan PMFC sa pangunguna ni Admin officer PCPT Erwin Jake R. Nolasco.
Ayon sa ulat, tatlong (3) kabataan ang naserbisyuhan ng libreng tuli habang siyamnapu (90) naman ang serbisyuhan ng libreng gupit.
Layunin ng aktibidad na mailapit ang mga pangunahing serbisyong pampubliko sa mga mamamayan lalo sa malalayong purok at barangay.
Kaugnay rito, na serbisyuhan rin ang limampong (50) mga residente ukol sa kanilang Phil health concern, dalawampu’t limang (25) katao naman ang nagpakonsulta ng kanilang nutrisyon, tatlumpung (30) indibidwal ang nabigyan ng sebisyong MCR-Civil Documents Concerns, at tatlumpu (30) rin sa PDAO Concerns.
Samantala, namahagi naman ng tatlundaan at siyamnapung (390) mga buto ng iba’t ibang uri ng gulay, pitumpu’t lima (75) na iba’t ibang uri ng fruit bearing trees at vaccination para sa mga alagang aso at pusa, habang sampung (10) mga residente ang nakiisa sa pagsasanay sa foot massage na mula naman sa TESDA.
Author
About the Author
