Photo courtesy: Palawan Provincial Police Office
Patuloy ang pagsisikap ng mga tauhan ng Palawan Provincial Police Office (PPO) na mapanatili ang kapayapaan at hustisya sa mga komunidad sa lalawigan sa pamamagitan ng pinaiigting na kampanya kontra kriminalidad.
Sa ilalim ng pamumuno ni Police Colonel Joel Dalisay Casupanan, isang matagumpay na operasyon ang isinagawa para maaresto ang isang senior citizen na itinuturing na Most Wanted Person Rank No. 2 sa antas ng munisipyo sa bayan ng Balabac.
Batay sa impormasyong ibinahagi ng awtoridad, kinilala ang suspek sa alyas na “Ram”, may-asawa, at residente ng Barangay Bancalaan ng nasabing munisipyo na naaresto matapos ang siyam na buwan.
Sumama sa kinauukulan ang 62-taong gulang na lolo sa bisa ng warrant of arrest na inisyu ni Presiding Judge Paul Batculin Jagmis Jr., Regional Trial Court, Branch 95, Roxas, Palawan, noong ika-17 ng Oktubre ng taong 2024.
Nahaharap siya sa kasong Frustrated Murder na nakapaloob sa Criminal Case No. 15782. Bagaman walang trabaho ang suspek ngunit kinakailangan niyang makapagpiyansa ng P200,000.00 na itinakda ng korte para sa kaniyang pansamantalang Kalayaan.
Naisagawa ang operasyon sa pamamagitan ng pinagsanib na puwersa ng Balabac Municipal Police Station (MPS) katuwang ang Provincial Intelligence Unit (PIU)- Palawan PPO, PAL-CIT, RID, PRO 4B, PIT Palawan, RIU 4B, 1st Provincial Mobile Force Company (PMFC), at 2nd Special Operations Unit (SOU) MG Balabac SBC.
Author
About the Author
