Ni Marie Fulgarinas
Nakuha ni Ryan Justine P. Manreal mula Palawan State University – Puerto Princesa ang Top 1 spot sa August 2024 Certified Plant Mechanics Licensure Examination o CPMLE.
Nakapagtala ng 83.60 general rating si Manreal kung saan nanguna ito sa mahigit 50 indibidwal na nakapasa sa Certified Plant Mechanics (Computer-based and Paper & Pencil) Licensure Exam na ibinigay ng Board of Mechanical Engineering.
Sa ulat ng Professional Regulation Commission, 56 lamang ang nakapasa mula sa 113 indibidwal na kumuha ng nasabing pagsusulit.
Samantala, nasa 1,144 naman mula 3,485 examinees sa buong Pilipinas ang nakapasa sa Mechanical Engineering Licensure Examination.