PUERTO PRINCESA — Tatlo (3) ang kumakandidatong pagka-alkalde ng bayan ng Brooke’s Point sa darating na Halalan 2025, ayon sa impormasyon mula sa Tanggapan ng Municipal Information.

Kakandidatong alkalde sina Bert Abiog, William Boral Bermas, at incumbent Municipal Mayor Cesario “Jun” Benedito Jr., habang sina reelectionist Mary Jean Feliciano at dating acting mayor Geojarlyn Joy Quiachon naman ang maghaharap sa pagka-bise alkalde ng bayan.

Labinwalo (18) ang nagpahayag ng kanilang interes na tumakbong pagka-Sangguniang Bayan Member ng Brooke’s Point, pito (7) rito ang mga reelectionists na sina Sarah Jane Crespo-Abon, Richard “Tad” Balean, Ezekiel Rodriguez, Nathan Sam Lacanilao, Jonathan Lagrada, Victoriano Colili, at Hayati Dugasan.

Habang labing-isa naman ang baguhan at nagbabalik-puwesto na sina dating Sangguniang Kabataan Federation President Jimart Mariano Naingue, Freddie D. Bocobo, Walid Tangkusan, Gomer Dumao Jr., Bobby D. Manigbas, Ryan Dela Cruz Hassan, Wilson Jave B. Pielago, Rogelio A. Badua, Stalwart Joseph M. Benedito, Marvin M. Juanerio, at Singapore S. Juratil.