Ni Ven Marck Botin
Sinang-ayunan ng mga miyembro ng Sangguniang Bayan ng Pamahalaang Lokal ng Brooke’s Point sa pamumuno ni bise-alkalde Atty. Mary Jean D. Feliciano ang resolusyong ipinasa ni Konsehal Ezekiel E. Rodriguez, Chairman of the Committee on Infrastracture and Communication, na humihiling sa posibleng pagtatayo ng permanenteng cell cites ng Smart at Globe sa tabi ng gusali ng bagong munisipyo sa Barangay Tub-tub na ang layon ay mapalakas ang telecom signal, batay sa ginanap na sesyon nitong araw ng Martes, ika-8 ng Agosto 2023.
Ayon sa ulat, sinabing ito ay kaugnay sa pagpapaunlad ng serbisyong ibinibigay ng bawat tanggapan na layuning mapabilis ang transaksiyon gaya ng pagpapadala ng mga dokumento sa mga malalayong lugar.
Sa kasalukuyan, lubhang mahina ang network signal sa bagong gusali ng LGU Brooke’s Point at maging sa mga ahensya ng pamahaan sa Barangay Tub-Tub kaya hinihiling ng mga local na mababatas sa planong pagpapatayo ng cell cite na malaki ang maitutulong sa daloy ng komunikasyon sa lugar.