Ni Marie Fulgarinas
PALAWAN, Philippines — Ipinababatid sa publiko ng Sangguniang Panlungsod na kasalukuyang nagsasagawa ng pinal at kumpletong talaan ang tanggapan ng Kalihim Sangguniang Panlungsod sa mga naging miyembro ng sanggunian simula sa pagkakatatag ng Munisipyo ng Puerto Princesa hanggang sa kasalukuyan.
Gagamitin ang nasabing talaan upang pormal na magtatag ng galeriya ng mga naging opisyales ng Sangguniang Bayan o Panlungsod ng Puerto Princesa.
“Kami po ay humihingi ng inyong tulong upang tiyakin na kumpleto at wasto ang nasabing talaan. Kalakip ng pabatid na ito ang aming panimulang lista.
Kung kayo po ay may karagdagang impormasyon hinggil sa kawastuhan ng aming talaan, ‘wag mag-atubiling tumawag o magmensahe sa numerong ito 717-8048 o ‘di kaya’y makipag-ugnayan sa aming tanggapan,” pahayag ng konseho.
Nagpapasalamat naman ang konseho sa magiging kooperasyon at pang-unawa ng publiko.
Author
About the Author
