𝗣𝟭.𝟲-𝗠 𝗟𝗢𝗖𝗔𝗟 𝗦𝗢𝗖I𝗔𝗟 𝗣𝗘𝗡𝗦𝗜𝗢𝗡, 𝗜𝗣𝗜𝗡𝗔𝗠𝗔𝗛𝗔𝗚𝗜 𝗦𝗔 𝗕𝗔𝗬𝗔𝗡 𝗡𝗚 𝗖𝗢𝗥𝗢𝗡, 𝗧𝗔𝗬𝗧𝗔𝗬 𝗔𝗧 𝗕𝗨𝗦𝗨𝗔𝗡𝗚𝗔

Ni Saldivar P. Nagamacho

𝘗𝘈𝘎𝘒𝘈𝘐𝘕 𝘈𝘛 𝘎𝘈𝘔𝘖𝘛 𝘢𝘺 𝘪𝘭𝘢𝘯 𝘴𝘢 𝘮𝘨𝘢 𝘱𝘢𝘯𝘨𝘶𝘯𝘢𝘩𝘪𝘯𝘨 𝘱𝘢𝘯𝘨𝘢𝘯𝘨𝘢𝘪𝘭𝘢𝘯𝘨𝘢𝘯 𝘯𝘨 𝘮𝘨𝘢 442 𝘚𝘦𝘯𝘪𝘰𝘳 𝘊𝘪𝘵𝘪𝘻𝘦𝘯𝘴 𝘢𝘵 217 𝘗𝘦𝘳𝘴𝘰𝘯𝘴 𝘸𝘪𝘵𝘩 𝘋𝘪𝘴𝘢𝘣𝘪𝘭𝘪𝘵𝘪𝘦𝘴 (𝘗𝘞𝘋𝘴) 𝘴𝘢 𝘣𝘢𝘺𝘢𝘯 𝘯𝘨 𝘊𝘰𝘳𝘰𝘯, 𝘛𝘢𝘺𝘵𝘢𝘺 𝘢𝘵 𝘉𝘶𝘴𝘶𝘢𝘯𝘨𝘢 𝘮𝘢𝘵𝘶𝘵𝘶𝘨𝘶𝘯𝘢𝘯 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘗1,635,000.00 𝘓𝘰𝘤𝘢𝘭 𝘚𝘰𝘤𝘪𝘢𝘭 𝘗𝘦𝘯𝘴𝘪𝘰𝘯.

Kamakailan, nagtungo sa mga nabanggit na lugar ang mga kawani ng Provincial Social Welfare and Development Office (PSWDO) upang ipamahagi sa mga Palaweñong nabibilang sa indigent senior citizens at PWDs ang kanilang pensiyon, ayon sa tanggapan ng impormasyon ng Kapitolyo.

Sa bayan ng Coron, pinagkalooban ang 197 nakatatanda ng tulong pinansyal na nakgkakahalaga ng P295,500.00 na saklaw ang mga Buwan ng Hunyo hanggang Hunyo 2022 habang nasa 53 PWDs naman ang nakatanggap ng P318, 000.00 para sa mga buwan ng Enero hanggang Disyembre 2022.

Sa bayan ng Taytay, tumanggap ang 154 nakatatanda ng P231,000.00 para sa mga buwan ng Enero hanggang Hunyo 2022 habang napagkalooban naman ang 51 PWDs ng P153,000.00 para sa mga buwan ng Enero hanggang Hunyo 2022 gayundin ang 59 PWDs ng kabuuang 177,000.00 para sa mga buwan ng Hulyo hanggang Disyembre 2022.

Sa bayan ng Busuanga, malaking tulong para sa 91 senior citizens ang P136,500.00 para sa mga buwan ng Enero hanggang Hunyo 2022 at maging ang halagang P324,000.00 para sa 54 PWDs para sa mga buwan ng Enero hanggang Disyembre 2022.

Ang pagkakaloob ng nasabing tulong pinansyal sa mga nakatatanda at may kapansanan ay pamamagitan ng Sociall Pension Progran for Indigent Senior Citizens at Indigent PWDs ng PSWDO.

Patuloy rin ipinararamdam ng Pamahalaang Panlalawigan ang pagkalinga sa mga benepisyaryo sa kanilang mga pangangailangan sa pamamagitan ng nasabing programa.