DOH Wellness Clinic sa Puerto Princesa
Photo Courtesy: Repetek
Ni Clea Faye G. Cahayag
Inilunsad ng Department of Health (DOH) Mimaropa Center for Health Development ang isang Wellness Clinic sa Lungsod ng Puerto Princesa na layuning mailapit sa mga mamamayan ang serbisyong pangkalusugan.
Ayon kay Pauline Tanya G. Yap, Nurse V/OIC- Health Facility Development Unit, nais ng
Kagawaran na palakasin ang kamalayan ng publiko sa pangangalaga sa kalusugan at maagang pagtukoy sa mga posibleng banta sa kalusugan.
“We want to encourage early detection of health risk. Empower individual to take an active role in managing their own health.
We aim to make healthcare not only available but also accessible, convenient, and responsive to the needs of the community,” aniya.
Nilinaw ni Yap, nakatuon ang klinika sa primary at preventive care at piling mga non-urgent ambulatory services na hindi nangangailangan ng agarang emergency treatment.
Ilan lamang sa mga serbisyong inaasahang ibibigay sa wellness clinic ang pagkuha ng vital signs, pagsusuri ng Body Mass Index (BMI), nutritional counseling, blood pressure measurement, blood sugar testing, at iba pa.
“It is important to emphasize that the clinic is design for primary and preventive care and selected non-urgent ambulatory services rather than emergency and hospitalized care,” dagdag pa nito.
Sa mensahe ni Usec. Mary Ann Palermo- Maestral ng DOH Central Office, mahalaga ang pagtatatag ng wellness clinic upang mahikayat ang publiko na gawing bahagi ng kanilang buhay ang pangangalaga sa kalusugan.
Aniya, kapag inilalapit ang mga serbisyong pangkalusugan sa mga lugar na madalas puntahan ng mga tao, mas nagiging madali para sa mga ito ang magtanong, humingi ng payo at aktibong makilahok sa mga aktibidad may kinalaman sa pagpapabuti ng kalusugan.
“This is the strategic importance of our wellness clinic by bringing, preventive, promotive and patient-centered services closer to everyday life and we can encourage people to seek care earlier and make wellness a regular part of their lives,” ayon kay Maestral.
Hinikayat naman ni Atty. Queen Harra Sheigila Pantanosas-Oraiz, Spokesperson of the Office of the Governor Amy Alvarez, na maging “proactive” ang mga Palawenyo pagdating sa kanilang kalusugan. Hindi na dapat hintayin pang lumala ang karamdaman bago bigyang pansin ang kalusugan.
Aniya, suportado ni Gobernadora Alvarez ang inisyatibang ito dahil kabilang sa development agenda ng Palawan Provincial Government ang healthcare.
“This is more than just opening of the health facility—it represents our shared commitment in making healthcare accessible, preventive and responsive for our communities.
May this facility serves as healing, prevention and hope for our people,” saad nito.
Nagpahayag din ng suporta ang City Government sa pamamagitan ng City Health Office (CHO).
Ayon kay City Health Officer Dr. Ricardo Panganiban, handa ang lokal na pamahalaan na tumulong sa mga pangangailangan ng klinika sa abot ng makakaya nito.
“We thank you DOH for choosing Puerto Princesa na paglalagyan ng wellness clinic. ‘Yung support ng city government through CHO is 100%,” ani Panganiban.
Ang Wellness Clinic ay matatagpuan sa SM Government Service Express ng SM City Puerto Princesa.
Ayon kay Mall Manager Maidja Saliente, ito ay isang mahalagang milestone sa pangako nitong hindi lamang maging destinasyon para sa shopping at lifestyle kundi maging katuwang din sa pagtataguyod ng serbisyong pangkalusugan.
“We recognize that healthcare and wellness are essential to building stronger, healthier and more resilient communities, through this partnership with the DOH, we hope to help bring health related services and wellness initiatives closer to the people of Puerto Princesa and Palawan”.
