Gob. Alvarez: kalidad ng tubig ng El Nido, hindi hadlang sa pagdagsa ng turista

Ni Albert Villamor Jr.

Hindi hadlang ang isyu sa kalidad ng tubig sa bayan ng El Nido, Palawan, sa mga turistang walk-ins.

“Iyong problema sa El Nido, with LGU (Local Government Units) naman is really trying to be reactive; they are trying to really promote our Sewage Treatment Plan [STP]. Hanggang ngayon siguro… hanggang ngayon kasi hindi naman siya deterrent e. Even at El Nido’s lowest tourism arrivals, I think they still get more walk-ins compared to any other municipality here,” pahayag ni Gob. Alvarez.

Ang mga walk-in ay ang mga turistang walang paunang reserbasyon bago pumanaog sa isang lugar, para sa matutuluyan o makakainan. Nakabatay ang assessment ni Alvarez sa pagtatanong sa sitwasyon ng turismo sa El Nido, lalo na kapag close season sa mga turista.

“Kasi even last year, ang daming walk-in pa rin like nagtatanong po ako sa close season: “May mga tao ba? Sabi: Ma’am, dami.” Dami nagwa-walk-in pero walang laman ang mga restaurants pero ang daming nagsi-stay and they still want to see El Nido despite that situation of [it]. I mean, we’re trying our best. It’s not going to be cheap. I think El Nido will really have come together as a whole together with the province,” ayon kay Gob. Alvarez.

Magkakaroon din ng proyekto ang Philippine Economic Zone Authority (PEZA) para sa tubig.

“Peza’s already helping for their new water system. I think they’re funding around almost 500 or 700 Milyon [Philippine Peso] already just for new water system. Hindi pa na-implement,” ladlad ni Gob. Alvarez.