5 Tsino na umano’y nagmamanman sa mga barko ng Pilipinas, arestado

INARESTO ng National Bureau of Investigation-Special Task Force (NBI-STF) ang limang (5) Chinese nationals na umano’y nagmamanman sa aktibidad ng mga barko ng Pilipinas.

Pinangalanan ng NBI ang mga naaresto na sina Cai Shaohuang a.k.a Richard Tan Chua, Field Commander, Cheng Hai Tao a.k.a. Lestrade, Intelligence Operative, Wu Cheng Ting a.k.a. Brawn, Intelligence Operative, Wang Yong Yi a.k.a. Watson, PRO & Financier, at Wu Chin Ren, member.

Sa isinagawang validation process, ang limang indibidwal ay pawang mga miyembro ng Qiaoxing Volunteer Group of the Philippines at ng Philippine China Association of Promotion of Peace and Friendship, Inc.

“This group is believed to have engaged in aerial reconnaissance via drone operations, collecting data from the Philippines’ naval assets, among others,” batay sa inilabas na impormasyon ng NBI.

Ayon sa mga awtoridad, ang mga suspek ay namataan sa Barangay Buenavista, lungsod ng Puerto Princesa at nagpapanggap bilang buyer ng mga marine products.

Maliban dito, nakita rin ang grupo sa Ulugan Bay na nagsasagawa ng aerial surveillance at reconnaissance, kumukuha ng imagery intelligence ng Naval Detachment Oyster Bay o NDOB sa Brgy. Bahile na bahagi ng Naval Forces West (Navforwest) ng Philippine Navy.

“Analysis on the running applications on the seized mobile devices from the Chinese nationals revealed photos of Buliluyan ports, Coast Guard station, vessels, small navy crafts/assets, and docks. Other images showed the Philippine Navy’s Del Pilar Class PS 16, terrain maps overlooking the Subic Bay International Airport, Naval Operating Base Subic, and a Chinese character marking being embedded on the screenshot with an arrow from Barreto, Olongapo pointing to the Naval Operating Base Subic.

Also discovered were footages of the Philippine Coast Guard (PCG) Vessels BRP THERESA MAGBANUA, and BRP GABRIELA SILANG, docked in PCG-Maritime Safety Service Unit NCR-Cluster,” pahayag ng NBI.

Ang mga suspek ay nahaharap sa kasong paglabag sa Republic Act 10175 o mas kilala bilang Cybercrime Prevention Act of 2012.