[Babala: Sensitibong balita]
Sugat sa iba’t ibang bahagi ng katawan ang tinamo ng 27-anyos na lalaki makaraang bumangga ang minamanehong motorsiklo sa sinusundang ttraysikel sa kahabaan ng Barangay Magara sa bayan ng Roxas, Palawan.
Batay sa impormasyon ng mga kawani ng Palawan Rescue Roxas Operation Center na rumesponde sa naturang insidente, sakay ng motorsiklo ang biktima habang sinusundan nito ang isang traysikel.
Pagsapit sa lugar ng pinangyarihan ng insidente, bigla na lamang umanong pumihit paliko ang traysikel. Dahil sa lapit ng dalawang sasakyan, hindi na nagawa pang iwasan ng motorista hanggang sa tuluyang bumangga ito.
Agad namnag isinugod sa pinakamalapit na pagamutan ang biktima na kung saan ay kinumpirma ng mga tauhan ng Palawan Rescue na nasa maayos na kalagayan ang biktimang motorista.
