MARC EDDIE MARCOS, GOLD MEDALIST
Photos courtesy: Marc Eddie Marcos at Sslg F. Lagan Sr. MNHS
Ni Albert Villamor Jr.
Binabati ng Sangguniang Panlalawigan ng Palawan si Marc Eddie G. Marcos matapos niyang manalo ng dalawang gintong medalya sa 100-meter at 200-meter sprint sa secondary boys category sa Palarong Pambansa 2026.
Mag-aaral ng Palawan National School si Marcos na kumatawan sa rehiyong MIMAROPA sa ika-66 na Palarong Pambansa na isinagawa noong Mayo 24-31 sa Agusan Del Sur.
Ayon sa Resolution No. 0579-26: these achievements marked the first gold of the MIMAROPA Region for the Palarong Pambansa 2026.
Ang ipinamalas daw na dedikasyon, pagsisikap, at disiplina ni Marcos ay nararapat lamang na kilalanin at purihin. Nagsisilbi din itong inspirasyon sa iba pang mga mag-aaral na mahalin din ang palakasan.
Ayon din sa Resolution No. 0579-26: the unwavering dedication, hardwork, and discipline that Mr. Marc Eddie G. Marcos has shown leading to these achievements that brought pride and honor to the province of Palawan in the name of sports deserve to be recognized and commended as it may serve as an inspiration to other student athletes from our province to continue their pursuit of sports.
Ang pangunahing may-akda ng naturang resolution ay si Board Member Maria Angela Sabando, kasama ang iba pang miyembro ng SP-Palawan bilang co-authors.
