Dinamiko ng katubigan, epekto nito sa kabuhayan, buhay ng Palaweño, tatalakayin
Ni Albert Villamor Jr.
Sa Oktubre 21 hanggang ika-22, isasagawa sa Aziza Paradise Hotel ang ika-4 na Palawan Marine Protected Area (MPA) Summit na may temang “Securing Palawan’s Blue Future: Strengthening Marine Protected Areas for Inclusive Blue Economy and Sustainable Ocean Governance”.
Pangungunahan ang pagtitipon ng Pamahalaang Panlalawigan ng Palawan sa pamamagitan ng Provincial Agriculture Office (PAgO). Inaasahang dadaluhan ito ng 400 na mga indibidwal mula sa pribado at pampublikong sektor.
Ilulunsad sa ika-4 na MPA Summit ang ‘Palawan Blue Economy Framework 2027-2036’ na isang basehan sa pag-uugnay ng marine ecosystems, sustenableng pangisdaan, seguridad ng pagkain, sustainable development, at kabuhayan ng komunidad sa Palawan.
Ang katubigan (blue economy) at ang epekto nito sa buhay at kabuhayan ng tao, kasabay ng mga hamon na kinahaharap ng karagatan, ang iilan sa mga tatalakayin sa 4th MPA Summit.
