Kahalagahan at kontribusyon ng mga katutubo, kinilala

Ni Albert Villamor Jr.

Sa pagdiriwang ng National Indigenous Peoples Month ng Pilipinas, sinusuportahan ito ng Sangguniang Panlalawigan ng Palawan at nagbibigay-pugay sa mga katutubo sa Palawan.

Hindi matatawaran ang ginagampang papel ng mga katutubo sa pagprotekta at pag-preserve ng likas na yaman, ancestral domain o lupaing katutubo, tradisyon, at heritage.

“The Province of Palawan, being home to diverse Indigenous Cultural Communities, including the Tagbanua, Calamian Tagbanua, Palaw’an, Batak, Molbog, Tau’t Bato, Cuyonon, Agutaynen, and Cagayanen, whose traditions, languages, music, craftsmanship, and stewardship of land and sea form the foundation of the province’s cultural identity, recognizes their indispensable role in safeguarding ancestral domains, preserving cultural traditions, and sustaining ecological balance for the benefit of present and future generations,” ayon kay Board Member Rafael Ortega Jr. na umakda ng isang resolusyon para sa pagdiriwang.

Ang tema ng National Indigenous Peoples Month ay “Empowering Indigenous Peoples: Strengthening Rights, Culture, and Ancestral Domains” ngayong Oktubre.

Naniniwala rin ang SP-Palawan na isang oportunidad din ang pagdiriwang para mas paigtingin ang commitment ng Pilipinas na protektahan ang mga karapatan at iangat ang karapatan ng mga katutubo saan mang sulok ng Pilipinas.

Namutawi rin sa talumpati ni Provincial Indigenous Peoples Mandatory Representative (IPMR) Arnel Abrina ang pagpapaalala sa pagsasagawa ng selebrasyon, at natutuwa siyang makita ang mga posts sa social media na sumasalamin sa selebrasyon.