Magagaling ang mga taga-Palawan
Photo courtesy: PSA-Palawan
Ni Albert Villamor Jr.
Pumangalawang-puwesto ang Local Civil Registry Office (LCRO) ng Brooke’s Point, Palawan, sa katatapos na “PSA Nationwide Search for the 2025 Most Outstanding Local Civil Registry Office – Large Category”.
Sumasalamin ang naturang karangalan sa mahusay na serbisyo-publiko; commitment sa tumpak at mahusay na civil registration; at dedikasyon ng LCRO-Brooke’s Point upang gawing mas kaabot-abot sa publiko ang mga mahahalagang serbisyo at ang pagtugon nito sa mga pangangailangan ng mga tao.
Para sa kanilang nakamit na pagkilala at karangalan, binabati rin sila ng Philippine Statistics Authority – Palawan.
“Congratulations to the Municipal Government of Brooke’s Point, the Local Civil Registrar and the entire LCRO team for bringing pride and honor not only to Brooke’s Point but to the whole Province of Palawan!,” ayon sa pahayag ng PSA-Palawan.
“Mabuhay ang LCRO Brooke’s Point! Mabuhay ang Palawan! Mabuhay ang MIMAROPA!,” dagdag pa ng PSA-Palawan.
Natanggap ng LCRO ang opisyal na pagkikilala noong ika-5 National Convention on Civil Registration and Vital Statistics (5th NCCRVS), sa PSA Headquarters sa Quezon City, Manila, Oktubre 7.
Kinatawan ang LCRO-Brooke’s Point nina Former Municipal Civil Registrar Salve Corazon T. Villaruel at Acting Municipal Civil Registrar Edwina Sagayap sa pagtanggap ng parangal.
