PHOTO | PIO - PALAWAN
Ni Vivian R. Bautista
ANG Four Points by Sheraton Palawan (A Marriot Hotel) na matatagpuan sa Sitio Sabang, Barangay Cabayugan, Lungsod ng Puerto Princesa ay naghahanap ng mga aplikante para sa iba’t ibang departamento nito na nakatakdang isagawa sa ika-4 ng Agosto, 2023 na gaganapin sa Centennial Pavilion ng gusaling kapitolyo mula alas 11:00 ng umaga hanggang alas 4:00 ng hapon.
Naging posible ito sa pamamagitan ng Provincial Public Employment Service Office (PESO) ng Pamahalaang Panlalawigan ng Palawan upang matulungan ang mga Palawenong naghahanap ng trabaho.
Iba’t ibang mga posisyon sa trabaho ang maaaring aplayan ng mga interesadong aplikante gaya ng Accounting, Culinary, Engineering, Food and Beverage, Front Office/Spa & Recreation, Housekeeping & Laundry, Loss Prevention/Security at Sales & Marketing.
Para sa mga interesadong mag-apply, dalhin lamang ang mga sumusunod gaya ng resume na may 2×2 ID picture, Transcript of Records (TOR), certificate, at iba pang mga dokumento tulad ng valid IDs. Para sa iba pang kaalaman, maaaring personal na tumungo sa tanggapan ng Provincial PESO na matatagpuan sa Rm 1A, GSO Building, Capitol Compound, lungsod ng Puerto Princesa.
Hangarin umano ng Pamahalaang Panlalawigan ng Palawan sa pamumuno ni Gob. V. Dennis M. Socrates na mabigyan ng pagkakataon ang mga Palaweño na makapag-apply ng trabaho sa mga lehitimong ahensya sa lalawigan o maging sa labas ng bansa sa pamamagitan ng mga isinasagawang recruitment activity ng Provincial PESO.
About the Author
