𝗞𝗪𝗔𝗟𝗜𝗣𝗜𝗞𝗔𝗗𝗢𝗡𝗚 𝗘𝗠𝗣𝗟𝗘𝗬𝗔𝗗𝗢 𝗡𝗚 𝗖𝗜𝗧𝗬 𝗚𝗢𝗩’𝗧, 𝗡𝗔𝗞𝗔𝗧𝗔𝗡𝗚𝗚𝗔𝗣 𝗡𝗔 𝗡𝗚 𝗠𝗜𝗗-𝗬𝗘𝗔𝗥 𝗕𝗢𝗡𝗨𝗦

Ni Clea Faye G. Cahayag

𝗦𝗔 𝗙𝗟𝗔𝗚 𝗿𝗮𝗶𝘀𝗶𝗻𝗴 𝗰𝗲𝗿𝗲𝗺𝗼𝗻𝘆 𝗻𝗴 𝗖𝗶𝘁𝘆 𝗚𝗼𝘃𝗲𝗿𝗻𝗺𝗲𝗻𝘁 𝗻𝗶𝘁𝗼𝗻𝗴 𝗮𝗿𝗮𝘄 𝗻𝗴 𝗟𝘂𝗻𝗲𝘀, 𝗶𝗸𝗮-𝟭𝟱 𝗻𝗴 𝗠𝗮𝘆𝗼, 𝗶𝗻𝗮𝗻𝘂𝗻𝘀𝘆𝗼 𝗻𝗶 𝗣𝘂𝗻𝗼𝗻𝗴 𝗟𝘂𝗻𝗴𝘀𝗼𝗱 𝗟𝘂𝗰𝗶𝗹𝗼 𝗕𝗮𝘆𝗿𝗼𝗻 𝗻𝗮 𝗶𝗽𝗮𝗴𝗸𝗮𝗸𝗮𝗹𝗼𝗼𝗯 𝗻𝗮 𝗻𝗶𝘁𝗼 𝗮𝗻𝗴 𝗺𝗶𝗱-𝘆𝗲𝗮𝗿 𝗯𝗼𝗻𝘂𝘀 𝗻𝗴 𝗺𝗴𝗮 𝗸𝗮𝘄𝗮𝗻𝗶 𝗻𝗴 𝗣𝗮𝗺𝗮𝗵𝗮𝗹𝗮𝗮𝗻𝗴 𝗣𝗮𝗻𝗹𝘂𝗻𝗴𝘀𝗼𝗱.

“Bago ang lahat, good news muna! Nu’ng Biyernes, naibigay na ang inyong suweldo para sa first 15 days of May at ngayong araw na ito ire-release ang inyong mid-year bonus,” ang tinuran ng Alkalde.

Ani Bayron, kaya ito nagagawa dahil nailalagay sa tama ang pondo ng siyudad kaya naman pinuri rin nito ang finance committee.

Sa hiwalay naman na panayam kay City Budget Officer Maria Regina Cantillo, ang mga kwalipikadong empleyado na makakatanggap ng mid-year bonus ay ang mga nakakuha ng very satisfactory performance rating at mga nakapagserbisyo ng apat na buwan bago ang Mayo 15.

“’Yung mga bagong appoint lang kunwari na-appoint ngayong February o March wala pang mid-year bonus ‘yun. Kailangan makapag-render ng service ng at least four months as of May 15, pagkatapos meron din siyang [very] satisfactory performance rating at least two semesters,” ayon kay Cantillo.

Aniya, ang mid-year bonus o tinatawag ding 14th month pay ay katumbas ng isang buwang sahod ng isang empleyado.

“Kunwari ang suweldo ng isang empleyado ay P150,000, yung mid-year bonus niya ay P150,000 din,” paghahalimbawa pa ng budget officer.

Sa kabuuan, 50 milyon ang pondo na inilaan para sa pagbibigay ng nabanggit na bonus para sa mahigit isang libong plantilla positions sa city government.

Sa kabilang dako, nitong nakaraang taon, mayroong limang (5) empleyado ang hindi nakatanggap ng mid-yeard bonus matapos hindi maabot ang hinihinging requirements ng mga ito.