Ni Marie F. Fulgarinas
PUERTO PRINCESA CITY — Inaksyunan ng opisina ni Narra Mayor Gerandy Danao ang kakulangan ng patubig sa Sitio Bulisog, Barangay Burirao, nabanggit na bayan, na kung saan agad na tumungo ang alkalde kasama si Ginoong Ceferino Genovea upang pangunahan ang paghuhukay ng lupa na magsisilbing balon o “deep-well” ng lugar.
Bunsod ng El Niño Phenomenon, kasalukuyang nararanasan ng mga residente ang kakulangan ng ‘water sources’ kung kaya humingi na ng saklolo ang mga ito sa lokal na pamahalaan ng bayan ng Narra.