Photo courtesy | LGU Coron Palawan
Kahanga-hanga ang ipinamalas na kabutihan at katapatan ni Ginoong Rhebo Tumpay Abquilan, residente ng bayan ng Coron, Palawan, matapos na walang pag-aalinlangang ibalik ang malaking halaga ng pera at mahahalagang dokumento ng isang turista sa nabanggit na bayan nitong araw ng Linggo, Nobyembre 3.
Malaki ang pasasalamat ng turista sa kabutihang loob ni Abquilan dahil isinoli nito ang malaking halaga ng pera.
Pinuri naman ng lokal na pamahalaan si Abquilan at sinabing saludo ang buong bayan sa kaniyang katapatan at kabutihan.
Si Rhebo ay tunay na inspirasyon sa lahat bilang mapagkakatiwalaan at laging handa sa pagtulong sa kapwa lalo na sa mga dayuhang bisita at maging sa kapuwa-turistang Pilipino.
Ang ganitong pananaw ang dapat tularan at panatilihin bilang isang Pilipino. Nawa’y tularan at maging inspirasyon ng marami ang kaniyang kahanga-hangang halimbawang ginawa.
Author
About the Author
