INAASAHANG mas mapapalakas ang pagtugon ng lalawigan ng Palawan sa Human Immunodeficiency Virus (HIV) awareness at prevention gayundin ang pagbibigay ng inklusibong serbisyo sa lahat sa pamamagitan ng Community-Based HIV Screening o CBS.
Sa patuloy na pagisiskap ng Provincial Health Office (PHO) ng Pamahalaang Panlalawigan katuwang ang Ugat ng Kalusugan at mga ospital sa lalawigan, mas pinaiigting ang kakayahan ng healthworkers at voluntary workers sa pagsusuri ng HIV, partikular na sa mga taong nagdadalawang-isip na magpa-test sa mga health facilities.
Isang mahalagang hakbang ang CBS sa pagsubaybay sa mga kaso ng HIV upang matulungan ang mga pasyente na makakuha ng tamang paggamot at impormasyon. Pinahihina ng nasabing sakit ang immune system ng isang tao, dahilan upang maging mas madaling kapitan ng iba’t ibang sakit.
Sa tala ng HIV/AIDS Surveillance Report sa unang kwarter ng 2025, may kabuuang 148,831 kaso ng HIV sa bansa.
Sa unang tatlong buwan ng taon, umabot na sa 5,101 ang bagong kumpirmadong kaso, mas mataas ng 50 porsyento kumpara sa 3,409 sa kaparehong panahon ng 2024.
Ipinaliwanag ng Department of Health (DOH) na may 57 bagong kaso ng HIV ang naitatala kada araw sa mga buwan ng Enero hanggang Marso 2025, mas mataas ng 55 porsyento kumpara sa 37 naitatalang bagong kaso sa kaparehong panahon ng nakaraang taon.
BASAHIN: HIV ang mas malaking problema ng Pilipinas: DOH
Sinabi naman ni Dra. Labrador sa
Repetek News
na may mga Community-based HIV Screening at PICT trained health workers ang lahat ng municipal health office sa lalawigan.“We also encourage our PTB patients as well as pregnant women to have themselves tested for HIV. We also incorporate HIV lectures in our Adolescent Health Program,” saad niya.
Batay sa mga eksperto, umaabot naman ng hanggang sampung taon bago makitaan ang isang tao ng mga senyales ng pagkakaroon ng HIV.
Author
About the Author
