Onshore oil, gas reserve sa Palawan, ‘dapat pag-aralan’

Ni Albet Villamor Jr.

Hinihiling ni Board Member Ryan D. Maminta na magkaroon ng pag-aaral ang Department of Energy (DOE) sa potensiyal na onshore oil at gas reserve ng Palawan, sa pamamagitan ni Department of Energy (DOE) Sec. Sharon S. Garin.

Ang onshore oil at gas reserve ay isang kayamanan ng kalikasan sa lupa na maaring pagkunan ng krudo o natural gas kung madidiskubre at gagamitin.

May mga benepisyo sa ekonomiya kung may matatagpuang onshore oil at gas reserve sa Palawan.

“Conducting comprehensive onshore energy exploration is now an urgent necessity to: Discover localized, land-based energy deposits that can fuel small-scale, steady onshore power generation to stabilize Palawan’s main power grid and off-grid areas; Mitigate long-term national energy risks; drive direct investments, infrastructure exploration, revenue sharing, and job creation within host local government units across Palawan,” ayon kay Maminta.

Ang Palawan daw ay matagal ng pinagkukunan ng enerhiya ng Pilipinas, mula sa off-shore deepwater project na Malampaya Gas-to-Power Project. Pero patuloy pa ring nakararanas ng kakulangan sa suplay ng kuryente ang Palawan, na maaring masolusyunan ng onshore oil at gas reserve na maaring madiskobre sa Palawan.

“While energy exploration in Palawan has historically focused on offshore deepwater structures, vast areas of its onshore sedimentary basins remain scientifically under-explored regarding comer hydrocarbon potention,” ayon din kay Maminta.

Pinahihintulutan ang panawagan ni Maminta ng Presidential Decree No. 87 na pinabibilis ang pagdiskobre at produksyon ng mga indigenous petroleum sa pamamagitan ng pribado at pampublikong sektor sa ilalim ng service contracts o kontrata.