Sports dev’t sa Palawan

Ni Albert Villamor Jr.

Patuloy na pinalalakas ng Provincial Sports Division, Office of the Governor, Pamahalaang Panlalawigan ng Palawan ang mga Sports Development Program sa Palawan.

Sa pamamagitan ng Sports Development Program, pinalalakas ng pamahalaan ang kakayahan ng mga atleta at grassroots sports development.

Kamakailan, nagsagawa ang Provincial Sports Division ng “Volleyball Clinic” sa Quezon, Palawan, bilang bahagi ng Sustainable Grassroots Sports Development Program para mapalakas ang kakayahan ng mga volleyball players at ang kanilang galing sa pampalakasan.

Naging mga opisyal sa mga larong volleyball at basketball ang mga kawani ng Provincial Sports Division sa ‘Southern Municipalities District Hospitals Friendship Games’ na ginanap sa Bataraza, Palawan. Ito ay pagsuporta ng Provincial Sports Division sa pagkakaroon ng matiwasay na laro, pagkakaisa, at sportsmanship sa mga kalahok.