Courtesy visit kay Gobernadora Alvarez
Photo Courtesy: PIO Palawan
Ni Albert Villamor Jr.
Noong Agosto 4, nag-courtesy visit o dumalaw ang mga matataas na opisyales ng Association of Chartered Certified Accountants (ACCA) Maritime Southeast Asia kay Gobernadora Amy R. Alvarez sa Kapitolyo.
Ang pagdalaw ng mga opisyales ng ACCA ay naglayong magkaroon ng maaring potensiyal na pagtutulungan sa accountancy education, professional development, at capacity-building.
Ang delegasyon ay binubuo nina of Ang Wen How, ulo ng Education Relationships; Calvin Wong, Business Relationship Manager; at Mike Oliver Castro, representante ng Pilipinas sa ACCA Philippines.
Nasa pagpupulong din sina Dr. Amabel S. Liao, Pangulo ng Western Philippines University (WPU), kasama sina Shiara Kuh T. Conde, University Extension Specialist V, at Joseph Dominic Liao, University Board Secretary/Executive Assistant.
Sinamahan din si Gob. Alvarez ng mga miyembro ng Sangguniang Panlalawigan ng Palawan at mga opisyales mula sa Provincial Government of Palawan, kasama si YAKAP sa Edukasyon Program Manager Nur Aina Ibrahim.
Ang nasabing courtesy visit ay ginawang posible ng WPU.
Pinangungunahan ng ACCA Maritime Southeast Asia ang operasyon nito sa Malaysia, Indonesia, Pilipinas, at Brunei. Habang ang Singapore ay parte ng Maritime Southeast Asia, ang operasyon ng ACCA dito ay pinangungunahan ng Singapore Pte Ltd.
