Laptop ng estudyante, tinangay ng kawatan
Photo Courtesy: LEGENDARY TV
Ni Rodolfo Idusora
Nawawala ang isang Lenovo Legion 5 laptop na kulay matte black matapos umanong tangayin ng isang hinihinalang kawatan sa JBonanza Chaolong, Barangay Tiniguiban, Puerto Princesa City, noong Oktubre 12, bandang alas-6:00 hanggang alas-7:00 ng gabi.
Ayon sa impormasyong ibinahagi sa social media, naglalaman ang laptop ng mahahalagang school files at thesis documents ng isang graduating student.
Umaasa naman ang may-ari na maibabalik ang kaniyang laptop upang hindi maapektuhan ang pag-aaral at pagtatapos ng estudyanteng nangangailangan ng mga naka-save na dokumento.
Nanawagan ang may-ari sa mga residente ng Barangay Tiniguiban at publiko na magbigay ng impormasyon kung may nakakita sa laptop o may nalalaman tungkol sa insidente.
Maaaring magpadala ng direktang mensahe o tumawag sa numerong 0951-311-9699 ang sinumang may impormasyon na makatutulong sa paghahanap.
Hinihiling din sa publiko na ibahagi ang post upang mas mapalawak ang paghahanap at magkaroon ng pagkakataong maibalik ang nawawalang laptop sa may-ari.
Sa ngayon, hindi pa kumpirmado ang pagkakakilanlan ng taong pinaghihinalaang kumuha nito. Hinihikayat ang sinumang may impormasyon na makipag-ugnayan sa may-ari o sa mga awtoridad upang makatulong sa pagresolba ng insidente.
