Photo: Repetek
Ni Clea Faye G. Cahayag
Isinagawa sa lungsod ng Puerto Princesa nito lamang ika-15 ng Hulyo ang Digital Bayanihan Caravan ng Department of Information, Communications and Technology (DICT)- MIMAROPA.
Sa mensahe ni DICT Undersectary Atty. Faye M. Condez de Sagon, binigyang-diin niya ang utos ni Pangulong Ferdinand “Bongbong” Marcos Jr., na “walang dapat maiwan sa digital transformation”.
Aniya, isa pang kautusan ng Pangulo ang unahin ang mga pampublikong paaralan. Kaya naman, inilunsad sa lalawigan ng Palawan ang karagdagang 621 Free Wi-Fi hotspots para sa 207 public schools.
“This ensures that each learner has the capacity to acquire 21st century skills through digital learning modalities. Sa madaling sabi po, pinapantay natin ang oportunidad ng mga bata sa Metro Manila sa mga mag-aaral ng Palawan but our mandate goes beyond connectivity and education,” ani Usec. de Sagon.
Nangako rin ang opisyal na hindi titigil ang DICT hangga’t hindi naikokonekta at nakikinabang sa digital transformation ang mga pinakamalalayong isla sa Pilipinas.
“We will continue to cooperate with the Provincial Government and our partners in private sector to help Palawan digitized and modernized,” pahayag pa ni de Sagon.
Sa mensahe naman ni Gobernadora Amy Alvarez, sinabi niyang kaisa ang Pamahalaang Panlalawigan sa mithiin ng DICT.
“We really wanted to digitalized everything here in the province to make everything connected,” ani Gobernadora.
Sa huli, nagpasalamat si Alvarez at tiniyak ang kanyang patuloy na suporta sa mga programa ng ahensya.
“Through the efforts of DICT, a lot of schools are now connected. Thank you so much and on going pa more schools to be connected,” dagdag pa nito.
Author
About the Author
