Caravan for defensive driving para sa ligtas na pagmamaneho

Ni Albert Villamor Jr.

May pangangailan na dalhin ang impormasyon tungkol sa tamang pagmamaneho sa malalayong lugar sa Palawan.

Pinanawagan ng Sangguniang Panlalawigan ng Palawan (SP-Palawan) ang tanggapan ng Land Transportation Office (LTO) na magkaroon ng “LTO Caravan for Defensive Driving” sa Hilaga at Timog ng Palawan, lalo na sa mga malalayong lugar sa lalawigan mula sa lungsod ng Puerto Princesa.

Ang LTO Caravan for Defensive Driving ay maaring magsagawa ng pagtuturo, demonstrasyon, practical defensive-driving sessions, oryentasyon sa mga batas at regulasyon pang-trapiko, motorcycle safety awareness, tamang paggamit ng protective equipment, road courtesy, emergency response, at sa mga possibleng maging resulta ng hindi maingat na pagmamaneho.

Dapat daw isama sa caravan ang mga mag-aaral, dahil may mga mag-aaral na na nasawi dahil sa aksidente sa pagmamaneho.

“Many road accidents may be prevented through stronger public education on defensive driving, proper road etiquette, speed management, helmet use, safe overtaking, responsible motorcycle operation, road courtesy and strict compliance with traffic laws and regulars,” ayon kay Board Member Ariston Arzaga na sponsor ng panawagan.

“Prevention education must be strengthened before accidents happen, because every life lost or permanently injured on our highways represents a family devastated and a community deprived of a valuable member,” ayon din kay Arzaga.

Hinihiling din ni Board Member Arzaga sina Board Member Juan Antonio Alvarez at Board Member Cherrie Pie Acosta na tumulong sa pagsasagawa ng kahilingan.

Kasama sa padadalhan ng kahilingan ang mga opisina ng Department of Transportation.