Wagi sa pagtatapos ng 52nd Regional Nutrition Month
Photo Courtesy: PIO Palawan
Ni Albert Villamor Jr.
Kinilala at nagwagi ang ilang Palaweño sa nakalipas na isinagawang ika-52 na Regional Nutrition Month Culminating Activity noong Hulyo 30 na isinagawa sa Zoom at Facebook Live.
Pinangasiwaan ang aktibidad ng ng National Nutrition Council (NNC) MIMAROPA.
Nasungkit ng Roxas National Comprehensive High School ang Special Citation Awards for Best Environmental Sustainability Message, at Best Adolescent and Youth Advocacy Message sa Regional Media Broadcasting Contest. Nagwagi ang kanilang mensahe tungkol sa pangangalaga sa kalikasan at pakikilahok ng kabataan sa nutrisyon at kalusugan.
Sa patimpalak sa Poster Making, nagwagi si JC Rex Robelson Abin ng Manamoc National High School ng Cuyo, Palawan, matapos siyang lumikha ng isang obra maestra na sumasalamin sa tema ng Buwan ng Kalusugan 2026 na “Nutrisyon at Kalikasan, Ating Pangalagaan.” Ang titulo ng nilikha ni Abin ay “Locked Away, Growing Strong: Nurturing Health and Nature for a Better Philippines”.
Ang nakamit na pagkilala ng mga Palaweno sa 52nd Regional Nutrition Month Culminating Activity, ay ginawang posible ng Pamahalaang Panlalawigan ng Palawan sa pamamagitan ng Provincial Social Welfare and Development Office (PSWDO)-Local Youth Development Program.
Ang pagkilala ay para sa mga indibidwal at institusyon na nagpakita ng galing at hindi matatawarang pagsulong ng masustansiya at sustenableng pagkain sa buong rehiyon ng Mindoro, Marinduque, Romblon, at Palawan (MIMAROPA).
