Photo: Repetek File Photo
Ni Ferds Cuario
Kinilala si Puerto Princesa City Mayor Lucilo R. Bayron bilang isa sa Top-Performing at Most Trusted City Mayors sa bansa batay sa resulta ng “Boses ng Bayan” Index of Governance (IOG) Survey ng RPMD Foundation Inc. para sa unang quarter ng 2026.
Ayon sa nationwide independent at non-commissioned survey, nakapagtala si Bayron ng 81.83% Index of Governance (IOG), na binubuo ng 81.57% trust rating at 82.10% performance rating. Dahil dito, kabilang siya sa mga lokal na punong ehekutibong kinilala dahil sa mataas na antas ng tiwala ng publiko at mahusay na pamamahala.
Ayon sa RPMD Foundation, dumaan muna sa regional assessment ang mga city mayor bago isinailalim sa national evaluation. Tanging ang mga nanguna sa kani-kanilang rehiyon ang napabilang sa pambansang listahan ng mga top-performing at most trusted local chief executives.
Isinagawa ang survey noong Abril 2026 sa pamamagitan ng panayam sa 5,000 rehistradong botante sa bawat rehiyon mula sa iba’t ibang socioeconomic classes. Gumamit ang pag-aaral ng statistical weighting upang matiyak na kumakatawan ang resulta sa pananaw ng mga mamamayan. Mayroon itong ±1% margin of error sa 95% confidence level.
Sinukat sa survey ang kalidad ng pamamahala batay sa leadership, fiscal management, social services, public safety, infrastructure development, disaster response, environmental management, digitalization, transparency, at responsiveness sa pangangailangan ng publiko.
Ayon kay RPMD Executive Director at Global Affairs and Political Analyst Dr. Paul Martinez, ang mataas na trust at performance ratings ng mga kinilalang alkalde ay bunga ng mahusay na pamamahala, transparency, mabilis na pagtugon sa pangangailangan ng mamamayan, at epektibong paghahatid ng mga programa at serbisyo.
Author
About the Author
