Prov’l board, tinalakay ang panukalang kursong BS Nursing sa PSU Roxas

Ni Albert Villamor Jr.

Noong September 23, tinalakay ng Pamahalaang Panlalawigan ang panukalang ng Palawan State University (PSU)-Roxas na magkaroon ng kursong Bachelor of Science in Nursing sa campus nito.

Tinalakay ng mga kinatawan ng PSU-Roxas ang kanilang feasibility study at proposal kasama ang SP-Palawan, kabilang ang mga kakailanganing pasilidad, resources, student demand, faculty requirements, para maisakatuparan ang kurso.

Ang mga kinatawan ng PSU Roxas sa pagdinig ay sina Campus Director John Paul D. Reloj, Vice President for Academic Affairs Maila N. Lucero, at iba pang kinatawan mula sa PSU.

Nasa pagdinig din si YAKAP Scholar Program Manager Ms. Nur-Aina S. Ibrahim.

Nais ng panukala na mas mailapit sa mga estudyante sa Roxas ang kursong Nursing.

Ang Committee on Higher Education, Technical, and Special Education ng SP-Palawan ang nagsagawa ng naturang pagdinig, na pinamunuan ni Board Member Winston G. Arzaga, kasama sina Board Member Rafael Ortega Jr. at Board Member Angela Sabando.