PDLs sa Prov’l Jail, sumailalim sa Health Education and Wellness Activities
Photo Courtesy: PIO Palawan
Ni Albert Villamor Jr.
Nagkaroon ang mga Persons Deprived of Liberty (PDLs) ng ‘Health Education and Wellness Activities’ sa Palawan Provincial Jail, noong Hulyo 29.
Isinagawa ang ‘Health Education and Wellness Activities’ ng Provincial Health Office–Provincial Nutrition Office (PHO-PNO) katuwang ang Provincial Jail Management Division.
Hinikayat ni Bb. Darelle Jaide N. Sanchez, RND, OIC-Provincial Nutrition Office, na dapat ay magkaroon ang mga PDL ng wastong nutrisyon at malusog na pamumuhay.
Ipinaliwanag naman ni Anne France Imperial, ND II, ang tema ng Buwan ng Nutrisyon na “Nutrisyon at Kalikasan, Ating Pangalagaan”. Tinalakay din ni Beverly D. Nunez, ND II, ang kahalagahan ng ‘Nutrition and Food Safety’ sa tao.
Nagpasalamat si Provincial Warden PCOL Gabriel C. Lopez sa naturang aktibidad.
Nagkaroon din ng Nutri Bingo at Zumba, at namahagi ng arroz caldo sa pamamagitan ng Mobile Kitchen ang Provincial Disaster Risk Reduction and Management Office (PDRRMO).
