Turismo ng Palawan, ibinida sa Cotabato
Photo: Palawan Provincial Tourism Office
Ni Albert Villamor Jr.
Ibinida ang natatanging ganda ng Palawan sa ika-18 na Regional Travel Fair 2026, na ginanap sa Cotabato City, Bangsamoro Autonomous Region in Muslim Mindanao o BARMM, noong Agosto 14 hanggang ika-16 ng buwan.
Kinatawan ni Provincial Tourism Promotions and Development Office (PTPDO) Supervising Tourism Operations Officer Arnoldo C. Valdez Jr. ang Department of Tourism (DOT)-MIMAROPA.
Nagkaroon si Valdez ng presentasyon na pinamagatang “Do Not Visit Palawan (Huwag Bisitahin Ang Palawan)” na humihikayat sa mga turista na hindi lamang bisitahin ang Palawan dahil sa natatanging ganda nito, kundi dapat din nilang maranasan, maintindihan, at tulungan ang pangangalaga sa magiliw na komunidad ng Palawan; sa natural na kalikasan ng Palawan; sa sustenableng turismo; at sa mayaman na kultura nito.
Sumasalamin ang pagdalo ng representasyon ng Palawan sa aktibidad sa PALAWAN + PLUS Development Agenda of Governor Amy Roa Alvarez; para sa pagpapatibay ng turismo ng Palawan habang nagkakaroon ng sustenable at para sa lahat ng pag-unlad.
